Eкипата на Атлетико Мадрид по подобро изведување на пенали вечерва се пласираше во осминафиналето од Лигата на шампионите. По регуларните 90 и продолженијата по 15 минути беше 2:1 за Атлетико, па така победикот се решаваше со удари од белата точка.

Натпреварот на „Ванда Метрополитано“ тргна отворено со шанси и на двете страни. Интер ја презеде иницијативата и во почетните минути беше подобриот ривал на теренот. Федерико Димарко по една одлична акција го отвори резултатот во 33. минута.

Атлетико Мадрид само три минути подоцна дојде до изедначување. Антоан Гризман дочека топка во петерецот и одлично реагираше за 1:1.

Во вториот дел одбраната на Интер беше добро поставена и Атлетико ретко доаѓаше до прилика за гол. За Интер добри шанси не реализираа Маркус Турам и Николо Барела. Отпорот на Италијанците попушти во 87. минута, Мемфис Депај кој влезе на местото на Мората го матираше Зомер за предност од 2:1.

Продолженијата не донесоа фудбал со многу прилики, можеби нешто по опасен беше Атлетико во овој период, меѓутоа немаше некои големи прилики. Пенал-рулетот тргна со реализации на Чалханолгу и Депај, а потоа Облак и Зомер ги одбранија ударите на Санчез и Саул. Голманот на Атлетико го одбрани и ударот на Класен и Родриго Рикелме донесе предност за шпанскиот претставници.

Во следната серија сигурни беа Ачерби и Кореа, а трагичар беше Лаутаро Мартинез кој шутираше високо над голот.

Во вториот натпревар кој се играше вечерва Борусија Дортмунд во 90 минути ја заврши работата против ПСВ и по ремито 1:1 славеше победа од 2:0 со што се пласираше помеѓу најдобрите осум во Европа.