Екипата на Милан претрпе пораз од Аталанта со 1-0 и така ги загуби шансите за место во Лигата на шампионите преку Серија А.

Херој на Аталанта беше Едерсон кој постигна гол по еден час игра по една одлична акција.

Милан имаше иницијатива и се обидуваше некако да дојде до израмнување, но сепак тоа во најголем дел беа јалови напади без конкретна завршница.

„Росонерите“ сега се деветти со 51 бода и oд Болоња на четвртото место се одалечени девет бода на пет кола пред крајот на првенството.