Пратеникот и лидер на Левица, Димитар Апасиев во интервју на ТВ 24 откри дека во Собранието, односно до него како претседател на Постојаната анкетна комисија за заштита на слободите и правата на граѓанинот, пристигнала претставка од здружението на родителите на починатите деца од Кочани „16-ти Март 2025“.

Апасиев најави дека претставката ќе ја достави до членовите, ќе ја стави на дневен ред и ќе закаже седница на која, како што вели надежно, конечно ќе се дебатира.

Тој предупреди дека ќе биде срамно и крајно нечовечки ако повторно се избегне соочувањето со вистината, како што досега пратениците од власта ги саботираат напорите за надзорна расправа.

„Арам да им е ако пак го направат тоа“, порача Апасиев, нагласувајќи дека Собранието е местото каде мора да се зборува за Кочани и да се утврди одговорност.