фото: EPA-EFE/CHRISTOPHE PETIT TESSON

ВИДЕО | Анри: Ми недостасува старото фудбалско правило

Прославениот француски фудбалер Тиери Анри даде интересна изјава по првиот натпревар од полуфиналето на Лигата на шампионите помеѓу Барселона и Интер.

На Монжуик беше 3:3, па никој нема предност пред реваншот на 6 мај на Џузепе Меаца во Милано.

Пред неколку години, Интер ќе имаше значителна предност, бидејќи постигна дури три гола на гостински терен.

Тоа правило е укинато од 2021 година и, очигледно му недостига на Анри, кој го анализираше натпреварот во студиото на Си-Би-Ес Спортс.

– Знам дека правилото е вакво долго време и мора да го прифатиме, но штотуку разговарав со Џејми Карагер и му реков: „Како можеш да постигнеш три гола на гостински терен, а да немаш предност?“ Головите на гости ми беа многу важни, сега постигнавте три гола на гости, а во реваншот повторно почнуваш со 0:0 – рече Анри.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот