Трговските центри како сообраќајници, се вози низ нив со моторцикли, тротинети, велосипеди. „Слободен печат“ ги праша граѓаните дали се чувствуваат безбедни додека купуваат низ Градскиот трговски центар, но и низ останатите трговски центри низ градот? Граѓаните револтирани од возењето низ затворен простор, велат дека често избегнуваат инциденти.

-Не, не се чувствувам безбедно, не би требало да се вози низ ГТЦ. Се случува, повремено да сум во опасност, јас невнимателен и тие брзаат и лесно може и да повредат некого- вели еден скопјанец.

Друг објаснува дека законот мора да се практикува, а дали треба полиција да има и да ги спречува не е сигурен.

– Некој мора да ги спречи, трговскиот центар мора да поведе сметка за да не дојде состојбата до полиција. Прво треба обезбедувањето да ги предупреди, па ако имаат проблем, некој е насилен ќе викнат полицаец, инаку секаде има тротинети и тоа е многу опасно и сите се согласуваме со тоа. А не знам зошто не се превземаат мерки, симболични казни веројатно има затоа никој не почитува закон- вели граѓанин од Скопје.

Друг објаснува дека тротинетите станаа голема опасност, затоа што нема закон да биде ограничена нивната брзина и не само во трговските, туку низ цел град.

-Треба да има сообраќајна полиција да го регулира сообраќајот. Не знам каков е законот, меѓутоа треба да се ограничи брзината на тротинетите сигурно, да има некое ограничување или воопшто да не се возат низ трговски центри или по места каде возат автомобили, дури не треба ни велосипеди да има. Треба зони за пешаци- вели скопјанка.

Таа објаснува дека многу пати била во опасност, постојано гледа околу себе кога пешачи.

-Треба околу себе да гледаш, позади да погледнеш, па да бидеш сигурен, бидејќи навистина мислам дека се опасни за возрасните, а и за децата. Не се чувствувавм безбедно. Плашлива сум по природа. Тој што вози треба да биде одговорен- вели таа.

Сите се согласни дека покрај обезбедувањето во трговските центри треба да има сообраќајна полиција да шета и да ги санкционира престапниците. Велат дека кога ќе почнат да казнуваат ќе се намали возењето на тротинети и моторцикли низ трговските центри.

Целата анкета на нашата колешка Агнеса Чаволи погледнете ја овде: