Украинските војници би можеле да бидат опколени во руската област Курск, каде што  пред повеќе од шест месеци извршија упад. Мапите покажуваат дека руските трупи ја вратиле територијата во контраофанзива во која Москва за прв пат напредувала во регионот Суми во Украина.

Овој потег ја зголемува можноста руските сили да ги отсечат украинските линии за снабдување и да ги опколат трупите во Киев, пишува Newsweek за новиот извештај на угледниот ISW.

Во време кога се  водат преговори за постигнување на каков-таков мировен договор за ставање крај на конфликтот, Украина се обидува да задржи делови од Курск со цел да има со што да се пазараи за размена на територија со Русија при евентуалните преговори за крај на војната.

Имено, во текот на изминатата недела, контраофанзивата на Москва речиси ги преполови украинските сили и ја оддели главната група од нејзините главни линии за снабдување.

Украинскиот воен профил на X, Deep State, покажа дека околу три четвртини од украинските сили во Русија се речиси целосно опколени, што ја зголемува можноста дека украинските сили можеби ќе треба да се повлечат или да ризикуваат да бидат заробени или убиени. Во западните медиуми се цитираат изјави на  високи украински офицери кои размислуваат за повлекување од Курск, со цел да се  избегнат дополнителните воени загуби.

Институтот за проучување на војната (ISW) во својот извештај наведува  дека руските сили напредувале во северниот регион Суми за прв пат од 2022 година, и тие најверојатно ќе го искористат ова за целосно да ги избркаат украинските сили од Курск.

Според најновата карта, руските сили ги зазеле селата Стараја Сорочина и напредувале северозападно од Басивка.

„Ситуацијата за Украина во Курск е многу лоша. Ако украинските сили не можат брзо да ја свртат ситуацијата, ова би можел да биде моментот кога истурените воени линии на украинската војска во Курск конечно ќе почнат да бидат опкружувани од руските сили и потоа да бидат целосно уништени“, наведуваат западните воени аналитичари.

Инаку, украинските трупи во август минатата година зазедоа околу 1.300 квадратни километри од руската област Курск  во обид да добијат адут во идните преговори и да ја принудат Русија да ги повлече своите сили од Источна Украина. До средината на февруари, Русија успеа да поврати најмалку 800 квадратни километри територија во Курск и во последните денови започна голема повеќестрана офанзива што се заканува да ги прекине линиите за снабдување на Украина и потенцијалните патишта за повлекување.

Една од главните причини за овој воен напредок се смета одлуката на Трамп да ја запре воената помош за Украина и пред сè размената на разузнавачките информации што американските разузнавачи им ги даваа на Киев за позиционирањето и движењето на руските трупи. Оваа одлука на Трамп ја искористи руската армија и веќе забележа голем воен напредок на теренот.

Според последните информации од Вашингтон се најавува дека САД наскоро треба да продолжат со размената на разузнавачки информации со Киев, што било потврдено и од самиот претседател  Трамп.

Инаку договорено е високи американски и украински претставници да се сретнат во Саудиска Арабија оваа недела за да разговараат за напорите за прекин на огнот.

Зе денеска пак се најавува посета на шефот на Стејт департментот, Рубио, на Ријад, како претходница на евентуалните преговори за мир во Украина.

Целата анализа во видеото погоре во текстот.