Вчерашниот протест во Белград против француско-германскиот предлог покажа дека Србија и нејзиното раководство ќе мора да биде многу внимателна околу идните свои чекори во спроведувањето на политиката.

Долгогодишното подргевање на „руско-српското православно братсво“ и противењето на западните побарувања, Белград сега полека ги менува, но еден дел од тамошната јавност одбива да се согласи со тоа.

Се работи за полека но значајното вртење на српските власти и пред сѐ претседателот Вучиќ кон Западот и полека, но приметното вртење грб кон Москва.

Токму вчера, кога Србија го прославуваше големиот национален празник годишницата од Првото српско востание, дојде до протести и судири на демонстрантите со полицијата.

Десничарските движења кои го организираа протестотот се противат на државната политика кон Косово.

Учесниците на состанокот претходно отстранија дел од заштитната ограда околу зградата на Претседателството, а дел од нив фрлаа и јајца кон зградата.

Тие се упатија кон главниот влез на Претседателството, како што наведоа, да ги достават своите барања до претседателот на Србија, Александар Вучиќ, а главното е прекин на дијалогот со Косово.

Собирот го организираше десничарската организација „Народна патрола“, која јавно зборува за своите врски со руските паравоени сили од формацијата „Вагнер“.

Некои учесници на протестот носеа симболи „Вагнер“ и буквата „З“, која е еден од симболите на руската инвазија на Украина.

Полицијата соопшти дека биле уапсени и неколку лица кои имале огнено оружје а било приведено и лице кај кого била пронајдена снајперска пушка, односно карабин со општички нишан.

Се претпоставува дека планот бил, освен упад во зградата, наводно да се ликвидира и самиот Вучиќ.

Самиот Вучиќ кој веднаш и се обрати на јавноста обвини дека протестите не ги направиле неформални десничарски групи, туку дека биле поддржани од четири парламентарни партии, чии лидери биле забележани на протестите.

Вучиќ посочи дека не знае дали тие се проруски, но дека е сигурен дека протестите се антисрпски, и се насочени против својот народ.

„ За да сакаш некој друг, мора прво да ги сакаш своите луѓе. Имаме длабоки емоции кон Русија и рускиот народ, ние сме единствената земја што не воведе санкции. За разлика од нив, јас имам свои убедувања, и не ми треба некој од Вагнер да ме тапка по рамо, изјавил Вучиќ.

Српската влада денеска оцени и дека протестот синоќа во центарот на Белград бил обид за насилна промена на уставното уредување и дестабилизација на државата.

Во соопштението се наведува дека „екстремистичките групи на вчерашниот собир пред Претседателството, повикувајќи и поттикнувајќи насилно да се промени уставното уредување и да се соборат највисоките државни органи и претставници на тие органи, се обидоа да ја дестабилизираат државата“.

„Сите кои вчера повикувале на насилна промена на уставното уредување и направија други кривични дела и прекршоци ќе бидат соодветно процесуирани во согласност со законите на Србија“, соопшти владата во Белград.