Рускиот претседател Владимир Путин вчера го назначи шефот на здружениот генералштаб на руската армија генерал Валериј Герасимов за главен командант на воените операции на руската армија во Украина.

Герасимов доаѓа на местото на генерал Сергеј Суровикин кој досега ја обавуваше оваа функција. Суровикин кој беше назначен на командната функција во октомври сега е назначен за заменик на генерал Герасимов. Оваа смена во светската, пред сѐ западната јавност беше протолкувана како деградирање на легендрниот генрал „Армагедон“, прекар кој Суровикин, го доби со командата која ја имаше во руските воени операции во Сирија и неговиот начин на целосното уништување на непријателот, а познат по разорувањето на тамошниот град Алепо.

Смената на Суровикин многумина ја протолкуваа дека работите на Кремљ во Украина и натаму не му одат според плановите, иако деновиве руската армија успева на бојното поле да направи победа околу стратешки важниот донбаски град Соледар.

Имено, фактот дека од почетокот на воената операција во Украина, ова е четврта смена на командната позиција покажува дека руската армија слабо ги реализира зацртаните планови на политичкото раководство во Москва.

Но има и поинакво толкување за поставувањето на Герасимов на оваа функција.

Тој е на чело на рускиот генералштаб од 2012 година. Заедно со другите руски генерали беше критикуван за руските порази во Украина. Сѐ одеше дотаму што во декември минатата година се шпекулираше и со негова оставка.

Неговата воена спецјалност се тенковите и оклопно механизираните воени орудија. Познат е во руската и светска воена јавност како експерт за употреба и начин на војување во тенковиски и оклопни битки на теренот. Овој податок можеби укажува дека неговото назначување треба да ја означи новата фаза на начинот на војување на руската армија во Украина. Претходниот коамнант а сега замениј, Сергеј Суровикин беше експерт за ракетно и артилериско војување, и коамндант на воздухопловните сили на Украина. Токму неговата спецјалност и беше манифестирана изминативе неколку месеци додека беше на коамнда функција, бидејќи руските напади во Украина се базираа на ракетни и артилериски дуели со украинските бранители.

Доаѓањето на Герасимов можеби навестува дека Русија се подготвува со поголем копнен упад во длабочината на Украина и со употреба на далеку познатите и фалени руски тенкови. Во прилог на оваа теза доаѓа и западната јавност која наголемо се подготвува и испорачува тенкови и оклпони транспортери за потребите на украинската армија.

Ако се земе во предвид дека временските услови во реонот на воените дејствија влегуваат во период на силна зима и ниски температури, и завршува периодот на калливата „распутица“, се отвара можноста за непречено ставање во поголема употреба на тенковите чии гасеници полесно ќе се движат низ замрзнатата земја на Украина.