Американскиот претседател Доналд Трамп воведе царини од 10 отсто за стоките од повеќето земји што се увезуваат во Америка, и уште повисока царина за, како што вели, „најлошите прекршувачи“.

„Наместо да ги оданочуваме нашите граѓани за да ги збогатиме другите земји, ние ќе ги тарифираме и оданочуваме странските земји за да ги збогатиме нашите граѓани“, изјави американскиот претседател Доналд Трамп, навестувајќи ја намерата за воведување на новите царини кон речиси сите држави во светот. Новите тарифи ги претвораат тие зборови во реалност.

Овие зборови на Трамп Белата куќа ги објасни дека значат „Ден на ослободувањето“ во САД.

Трамп смета дека Америка е жртва на нефер зделки во светската трговија.

Според него, други земји го преплавуваат американскиот пазар со евтини стоки – што им штети на американските компании и ги чини работни места.

Во исто време, овие земји поставуваат бариери што ги прават американските производи помалку конкурентни во странство.

И така, со користење на тарифи за елиминирање на трговскиот дефицит, Трамп се надева дека ќе го оживее американското производство и ќе ги заштити работните места таму.

Но, дали овој нов царински режим ќе го постигне посакуваниот ефект?

Мислењето на огромното мнозинство е дека иако царините може да го намалат трговскиот дефицит меѓу Америка и одделни земји, тие нема да го намалат вкупниот трговски дефицит меѓу Америка и остатокот од светот.

„Да, тоа ќе ги намали билатералните трговски дефицити меѓу САД  и тие земји.

„Но, јасно е дека ќе има многу пошироки последици кои не се опфатени во овие пресметки“,  се вели во анализата изготвена од Кралскиот колеџ во Лондон.

Тоа е затоа што сегашниот вкупен дефицит на САД не е предизвикан само од трговските бариери, туку од тоа како функционира американската економија.

Како прво, Американците трошат и инвестираат многу повеќе отколку што заработуваат, а тој јаз значи дека Америка купува повеќе од светот отколку што му продава, се наведува во анализите.

Целата анализа за актуелните светски и регионални случувања во видеото погоре во текстот.