Малку причини има за оптимизмот на Христијан Мицкоски, неговата теза за начинот на кој Македонија би чекорела на патот кон ЕУ, односно динамиката на преземањето обврски коишто се вметнати во преговарачката рамка, а се темелат на фамозниот Француски предлог и протоколите коишто беа потпишани со Бугарија, очигледно дека доживеа неуспех за време на дипломатската активност на Самитот на берлинскиот процес, вели новинарот на Слободен печат, Срѓан Ивановиќ.

– Аналена Бербок многу пластично му објасни на нашиот премиер дека со актуелниот начин на донесување на одлуки во Европската Унија, тој не може да се надева на какви било промени. Затоа и иницијативата уставните промени да бидат донесени со времена клаузула е осудена на пропаст. Мицкоски имаше средба и со група  германски стопанственици што е одлична вест, доколку некој од нив инвестира во Македонија, но тоа нема допирни точки со обидот тој да ја пробие блокадата на патот кон ЕУ и да изнајде начин за отпочнувањето на преговорите – изјави Ивановиќ.

Целата анализа проследете ја на следниот линк: