Данците се старо-нови светски ракометни шампиони откако вчера без многу маки ги совладаа Хрватите со резултат 32-26.

„Данска се прошета до финалето и златниот медал. Уште пред првенството важеа за први фаворити. Самиот факт што седум од девет натпревари ги добија со двоцифрена разлика кажува многу. Данците во ракомет се како Американците во кошарка. Не можеше никој да им припари на нивната игра, па така и Хрватите не можеа да се носат со Данците. Хрватска проба со 5-1 одбрана и држеше резултатски егал до 20 минута, но потоа се разработи данскиот голман Нилсен и десниот бек Матиас Гидсел кој потоа беше прогласен за МВП на првенството. Сигурдсон се обиде со 5-1 зона да ги забави Данците, им оставаа простор на данските крила да шутираат, а за нивна среќа, тие промашуваа. До полувремето направија четири разлика и го однесоа текот во своја корист. До 40-та минута беше 10 разлика за Данците и остатокот од натпреварот беше чиста формалност“, вели Стефан Крстески, новинар на „Слободен печат“.