Новиот тренер на Реал Мадрид, Чаби Алонсо, веќе ги внесува своите иновативни идеи во работата на „кралскиот клуб“. Шпанскиот стратег, кој ова лето го наследи Карло Анчелоти, воведе метод што за првпат го користи во својата тренерска кариера и на тренинзите има помош од дронови.

Целта е јасна: подобар преглед на тактичкото позиционирање и движењата на фудбалерите, што овозможува подлабока анализа на играта. Во времето кога го водеше Баер Леверкузен, Алонсо се потпираше на камери поставени околу теренот, но сега во Мадрид отиде чекор понатаму и ја вклучи најсовремената технологија.

Ова претставува новитет и за фудбалерите на Реал, кои досега не се сретнале со вакви методи бидејќи ниту Анчелоти не ги применуваше во својот пристап. Алонсо со овој потег уште еднаш покажува дека е тренер на новата генерација, подготвен да комбинира традиција и модерни средства во градењето на својот фудбалски пат како тренер.

A drone now monitors every move in training, giving Xabi Alonso a bird’s-eye view of his squad’s performance 🤖⚽️#Madrid #realmadrid #fifaclubworldcup pic.twitter.com/m5tOBXAiF5

— MARCA in English 🇺🇸 (@MARCAinENGLISH) June 19, 2025