Фернандо Алонсо вели дека сè уште ги чувствува последиците од неговата застрашувачка несреќа со Ленс Строл на трката за Големата награда на САД минатиот викенд.

Автомобилот на Алонсо беше лансиран во воздух откако удри во задниот дел на автомобилот Строл со голема брзина.

Двократниот шампион имаше многу среќа да избегне поголем контакт со бариерите и за чудо можеше да ја продолжи трката, па стигна до седмото место. Но, казната изречена по трката го остави без пласман.

The moment everyone is talking about ?

Incredible effort from Fernando to carry on racing after this ?

?@F1 #USGPpic.twitter.com/89pFjbwGIt

— BWT Alpine F1 Team (@AlpineF1Team) October 24, 2022

Инцидентот го оставил 41-годишниот Алонсо многу потресен, а по трката тој изразил олеснување што избегнал сериозна повреда.

– Среќен сум што сум овде и разговарам со вас бидејќи можев да бидам во болница. Кога бев во воздух, бев малку исплашен бидејќи беше многу опасно. Кога слетав на асфалтот, мислев дека е завршена трката… Тоа беше мојата најдобра трка во сезоната, но стравот се уште ми е во коските. По падот, не можев да престанам да размислувам за тоа до крајот на трката. Само сакав да ја завршам трката – ги опиша Алонсо своите чувства во разговор со една шпанска телевизија.

На ГН на САД во Остин победи Макс Верстапен, втор беше Луис Хамилтон, а трет Серхио Перез.