Државниот универзитет во Тетово на денешната свечена академија по повод 26 гдинишнината од постоењето му ја додели титулата Доктор Хонорис Кауза на Али Ахмети. Одлуката на Универзитетот за доделување на титулата на лидерот на Демократска унија за интеграција (ДУИ) e поради личниот ангажман на Али Ахмети за општествено-политичките промени во земјата.

– Ахмети е заслужен поради повеќе негови ангажмани како што се промена на правниот и политичкиот статус на Албанците во Северна Македонија, вклучително и уставни измени во согласност со Охридскиот договор, територијалната организација и децентрализација, фер и соодветна застапеност на Албанците во државните институции, вработување на над 20 илјади административци во сите државни институции, официјализирање на албанскиот јазик и албанското национално знаме, формализирање на Државниот универзитет во Тетово, формирање универзитет „Мајка Тереза“ во Скопје и друго, истакна во рефератот по повод прогласувањето, професорот Шаип Шеху.

Али Ахмети истакна дека неговиот татко бил и тој што собрал помош за основање на универзитетот а тој и понатаму ќе се залага за унапредување на општествените состојби и образованието.

– Оваа чест што ми е направена е посветена на луѓето кои даваа за отворање и основање на овој универзитет. Оваа чест и оваа награда му се доделува на Абдилселам Емин по повод 26-годишнината од неговиот пад. Тоа им е направено на сите војници, патриоти и мисионери, родољуби, учители и факели на образованието кои ја одржуваа својата душа жива држејќи тајни предавања во земјата и за изгубената слобода и за безбројните жртви на нашиот народ и нација“, рече Ахмети.

Тој се обврза и дека ќе продолжи да се залага за развој на образованието.

– Не дојдов со подготвен говор. Мислев дека е подобро да се вратиме во спомените и да ги спомнеме сите кои придонеле за напредокот на образованието. Дојдов да ви ветам дека и понатаму ќе работам за подобрување на албанското образование, за подигање на вредноста на образованието, инфраструктурата и условите на универзитетот. Затоа што само така можеме да бидеме конкурентни. Денес само со силна конкуренција можеме да одиме напред. Ги изградивме темелите, изградивме тврдини, но мора да ги зајакнеме и одржуваме, бидејќи само со знаење, само добро подготвени, можеме да бидеме достоен конкурент во сите кампањи“, додаде Ахмети понатаму.

Ректорот Вулнет Ахмети истакна дека во изминатите 26 години многу труд е вложен за Универзитетот.

– Годишнините ни помагаат да се вратиме во минатото време и да ја запомниме нашата историја. Историите на основањето на Универзитетите во светот, се различни и секако не се толку специфични како основањето на УТ, кој беше создаден од народот. Во текот на изминатите 26 години е вложен многу труд за оваа високообразовна институција денес да биде современа, рече Вулнет Ахмети.

На свеченоста се обратија и претседателот на Собранието Талат Џафери и вицепремиерот Артан Груби.

Младинските организации на партиите Алијанса за Албанците и Алтернатива револтирано од одлуката на Универзитетот организираа прес-конференција и иронична изложба на наводни трудови кои според нив се дело на Ахмети. Организаторите сметаат дека одлуката да му се додели титула Доктор хонорис кауза на Али Ахмети е политизирање.

-На изложбата што ја гледате зад мене, ние откривме само некои од академските списи што оваа личност ќе им ги остави на идните генерации, меѓу кои се: „Стратегија за преместување на младите во егзил без насилство и репресија“, како и најдобрата книга продавач „Достигнувајќи 700 илјади мајки за 1 секунда“. Покрај овие добро познати списи, решивме да откриеме и некои експерименти кои како се резултат го има тоа што десетици Албанци кои денес се испраќаат во затворите во државата, рече меѓу другото претседателот на Младинскиот форум на Алијансата за Албанците Омер Ајдини покажувајки кон изложениот постер со наслов „Експетиментот Диво Насеље