ВИДЕО | Активисти украдоа восочна фигура од Макрон и ја поставија пред руската амбасада во Париз
Активисти на Гринпис ја украдоа восочната фигура на Емануел Макрон од приватниот музеј Гревен во Париз и ја поставија пред руската амбасада во знак на протест против економските врски на Франција со Москва.
Препорачано
„За нас, Франција игра двојна игра и францускиот претседател го отелотворува овој двоен јазик: тој ја поддржува Украина, но ги охрабрува француските компании да продолжат да тргуваат со Русија “, рече Жан-Франсоа Жулијар, генерален директор на филијалата на еколошката организација во Франција.
„Го нагласуваме Емануел Макрон по име бидејќи тој носи посебна одговорност за оваа ситуација. Тој треба да биде на чело на дискусиите што се водат во Европа за раскинување на трговските договори меѓу Русија и европските земји“, рекоа активистите.
Greenpeace today stole a Macron wax statue to use in an anti Russia protest. #greenpeace #macron #Russia #MondayMorning pic.twitter.com/PGB6CYRNTO
— Avi (@Rantaramic) June 2, 2025
Според полициски извор, две жени и еден маж влегле утрово во познатиот музеј на восочни фигури во Париз, еквивалент на Мадам Тисо во Лондон, претставувајќи се како туристи.
Откако се пресоблекле за да изгледаат како техничари или вработени во музејот, ја украле статуата, вредна 40.000 евра, и ја скриле во ќебе. Ја напуштиле зградата низ излезот за итни случаи.
Кратко потоа, еден новинар ја видел статуата поставена пред руската амбасада, која се наоѓа во 16-от арондисман на француската престолнина.
