Колумбиецот Радамел Фалкао испиша историја и со голот на последниот натпревар за својот Милионариос во Колумбија стана најдобриот колумбиски стрелец во историјата.

Ветеранот беше еден од стрелците во победата од 5:1 против Бојс Чичо и така на вечната листа го надмина Виктор Хуго Аристазбала кој поголем дел од кариерата помина во Бразил.

Голот кој го постигна Фалкао беше негов 347 во кариерата. Популарниот „Ел Тигре“ 311 погодоци постигна во клупската кариера во која покрај неговиот сегашен клуб настапуваше уште за: Порто, Атлетико Мадрид, Монако, Манчестер Јунајтед, Ривер Плата, Галатасарај, Рајо Ваљекано и Челси.

Во дресот на репрезентацијата на Колумбија постигна 36 гола со кои исто така е најдобар стрелец. Соиграч со Фалкао во неговиот последен европски клуб, Рајо Ваљекано беше и македонскиот чувар на мрежата Столе Димитриевски кој денес е член на Валенсија.