Александар Лаказет и официјално го напушти Лион, откако му заврши договорот со клубот каде стана вистинска легенда. Францускиот напаѓач ја продолжува кариерата во Саудиска Арабија, потпишувајќи двегодишен договор со Неом, нов прволигаш кој сезонава избори промоција од Втората лига.

Најзаслужен за трансферот е тренерот на Неом, поранешниот кормилар на ПСЖ, Кристоф Галтие, кој лично инсистирал на ангажманот на 33-годишниот ветеран.

Лаказет зад себе остава блескава статистика во дресот на Лион и во двете свои етапи за клубот одигра 391 натпревар, постигна 201 гол и запиша 55 асистенции.

Во новата саудиска авантура ќе има познато лице крај себе, алжирскиот офанзивец Саид Бенрахма, со кого своевремено ја делеше соблекувалната во Лион.