Поранешниот ракометар на Вардар, а денес член на Еурофарм Пелистер, Илија Абутовиќ објави крај на репрезентативната кариера.

Абутовиќ се прости од националниот дрес пред почетокот на првиот квалификациски натпревар за Европското првенство во 2026 година против Летонија кој заврши со победа на Србија од 38:25.

Во репрезентативната кариера 36-годишниот Абутовиќ собра 55 настапи во кои постигна 22 погодоци.

„Сонував да играм за репрезентацијата од најмладите ракометни денови и на крајот тој сон стана реалност. Голема чест, но и одговорност беше да се носи националниот дрес. Благодарен сум до сите соиграчи, тренери, членови на стручниот штаб, медицинскиот тим и сите кои беа дел од ова неверојатно патување. Продолжувам да бидам еден од најголемите навивачи на Србија“, изјави Абутовиќ.