Веб-страницата NOW-NEWS објави реклама за лекот CARDION, во која е злоупотребено името на поранешниот министер за здравство Венко Филипче. Тој наводно го препорачува лекот, кој е додаток во исхрана, а е наменет за пациенти со висок крвен притисок.

Венко Филипче е македонски докторе. Сите знаат дека тој не им дава на пациентите апчиња. Ама сепак сите тие оздравуваат. Освен од Македонија, тој има пациенти од други европски земји, пишува во објавата.

Во текстот се забележуваат и голем број јазични грешки.

Венко Филипче:
– Јас имам намера да ви кажам една работа што се надевам ќе ги натера вашите читатели малку да размислат!

КАРДИОВАСКУЛАРНИТЕ ЗАБОЛУВАЊА се основната причина за смртта. А основната причина за затнувањето на крвните садови е ХОЛЕСТЕРИНОТ. Холестеринот е најопасната материја во светот. Тој одзема повеќе животи од алкохолот, никотинот и дрогата заедно.

Кај 94% од случаите, кога умира човек на возраст до 80 години, причината за смртта е речиси 100% холестеринот.

Дури има и коментари од „задоволни“ муштерии кои го купиле лекот. Таква е наводна Рада Хенковеј, македонска пензионерка од Тетово.

Инаку поранешниот министер е неврохирург и нема поврзаност со кардиоваскуларните заболувања.