Веќе нема дилеми, Манчестер сити во последниот ден од преодниот рок го договори трансферот на Џанлуиџи Донарума кој пристигнува од Пари Сен Жермен.

Францускиот клуб се согласи да го продаде Донарума за сума меѓу 30 и 35 милиони евра, иако на почетокот бараше повеќе.

Италијанецот, кој и покрај тоа што има 25 години зад себе е со богато искуство, со ПСЖ минатата сезона ја освои Лигата на шампионите, а претходно со Италија успеа да го освои и Европското првенство. Ангажманот во Манчестер сити за него ќе биде прв во Премиер лигата, а пред ПСЖ кариерата ја започна во редовите на Милан.