Извршниот комитет на ВМРО-ДПМНЕ ќе заседава вечерва во нов состав. Од владејачката партија велат дека седницата е редовна, а тема ќе биде актуелната политичка состојба, објави „ТВ24“.

На состанокот ќе ги нема министрите за енергетика и култура, Сања Божиновска и Зоран Љутков, како и поранешната вицегувернерка Маја Кадиевска-Војновиќ, кои повеќе не се членови на највисокото партиско тело.

Според дел од членовите на ИК , вечерашната седница ќе биде и конститутивна, по Централниот комитет викендов. Нов член на најтесното раководство на Христијан Мицкоски станува и Благоја Ташаминов, поранешен разузнавач и шеф на кабинет на министерката за финансии Гордана Димитриеска-Кочоска.

Од ВМРО-ДПМНЕ тврдат дека скандалот со бугарското државјанство во кој се најде актуелната министерка не е причината зошто Божиновска повеќе не е повеќе член на ИК, туку смената се случува поради потребата таа да се фокусира на задачите кои ги бара министерската позиција.