До 21 часот денеска, вкупно десет пожари на отворен простор се регистрирани во Македонија, а вечерва се активни два од нив. Според информациите од Центарот за управување со кризи (ЦУК), од нив двa се активни, еден е под контрола, додека седум се целосно изгаснати. Пожарите се различни по природа, од нискостеблеста шума и сува трева, до депонии со ѓубре и стрништа, а интервенирале и противпожарни служби и локални екипи на терен.

Двата активни пожари се наоѓаат во Општина Кочани, на Царев Врв, каде гори нискостеблеста шума и сува трева, како и на патот Тетово – Попова Шапка, во близина на ресторан „Ули“, каде гори сува трева. Пожарот на депонијата „Дрисла“ е ставен под контрола, но останува под надзор на противпожарните служби, велат од ЦУК.