Македонската фудбалска репрезентција до 21 денеска од 18:15  часот ќе игра натпревар против селекцијата на Италија во квалификациите за Европското првенство во 2027 година.

Овој натпревар е прв во Битола на една репрезентација по пауза од три децении, па затоа и има интерес.

Се очекува реновраниот стадион „Петар Милошевски“ да биде исполнет до последното место.

Пред натпреварот ФФМ објави и важни информации, повикувајќи ги оние кои ќе присуствуваат навреме да бидат на стадионот.

„Ве повикуваме сите да пристигнете навреме и заеднички да ја поддржиме нашата репрезентација до 21 година!

Вратите се отвораат во 16:15 часот.

Ве молиме дојдете порано за да избегнете метеж и навреме да го заземете вашето место.

Лица ќе ги проверуваат / скенираат билетите на влезот.

Подгответе ги однапред за побрз и полесен влез.

На билетите се наведени предметите кои не се дозволени за внесување.

Ве молиме почитувајте ги правилата за ваша и заедничка безбедност“

Понесете знаме, шал или дрес и сите заедно да го обоиме „Петар Милошевски“ во црвено-жолто и да бидеме вистинска поддршка за Македонија!

По три децении, една фудбалска репрезентација на Македонија денеска ќе одигра натпревар во Битола