Имавме добра размена на мислења за пристапниот процес на Северна Македонија, објави попладнево на Икс еврокомесарот за соседска политика и проширување Оливер Вархеји информирајќи за неговата денешна средба со министерот за европски прашања Орхан Муртезани.

– Проширувањето е наша заедничка цел. Се согласивме дека нема време за губење кога станува збор за комплетирање на потребните чекори, наведе Вархеји, додавајќи дека сите алатки се тука за да се направи голем успех за луѓето од земјава.

Претходно, во изјава за МИА, Муртезани истакна дека на средбата се разговарало за европската интеграција на земјава, за предизвиците и пречките на нејзиниот пат кон полноправно членство во ЕУ, вклучително и за уставните измени, како и за Планот за раст на Западниот Балкан и за реформската агенда поврзана со него.

Good exchange w/ Minister @OMurtezani on the accession process of ?? .#Enlargement is our common goal. Agreed that there is no time to waste when it comes to completing the necessary steps.

All tools are there to make it a great success for the people of ?? #RA #EIP #IPA pic.twitter.com/AUDNBXKOM8

— Oliver Varhelyi (@OliverVarhelyi) September 4, 2024

Министерот Муртезани на клучни средби во Брисел