Ракометарите на Вардар 1961 го совладаа Еурофарм Пелистер со 31-28 во првото вечно дерби од новата сезона на Суперлигата. Натпреварот понуди возбудлива борба и драма, а дополнително беше обележан и со прекин во 23. минута поради инцидент меѓу навивачите, кога дел од „Чкембари“ влегоа во салата и запалија факел кој беше фрлен кон „Комити“.

Вардар подобро го отвори мечот и поведе со три разлика, а Пелистер остана без Борозан кој доби црвен картон по удар врз Кузмановски. Битолчани успеаја да се вратат и израмнија на 18-18 во вториот дел, но Вардар одговори со серија и ја врати предноста. Во завршницата голманот Валах блесна со одбрани, а Талески постигна клучен гол за победа.

Најефикасен беше Манасков со девет погодоци за Пелистер, додека кај Вардар се истакнаа Боно, Тузолана и Малус со по шест.

ВИДЕО | Прекин на дербито: Навивачи на Пелистер фрлија факел кон фановите на Вардар