Eкс-македонскиот шампион Вардар денес стигна до седмиот триумф во ракометната Суперлига.

Вардарци беа подобри од Голден Арт со убедлив 32:21. Победата на Вардар беше најавена од самиот старт бидејќи црвено-црните поведоа со убедливи 7:1. До паузата Голден Арт сепак успеа да ја намали негативата на 11:14.

Во второто полувреме Вардар додаде гас, па со одличен ритам дојде до двоцифрена предност и на крајот славеше победа со 32:21.

Матија Николиќ и Хансер Родригез со по 8 гола беа најефикасни во редовите на Вардар, додека кај Голден Арт пет гола постигна Тоше Ончев.