Башкими и Вардар одиграа без голови во последниот натпревар од осмото коло на Првата македонска фудбалска лига.

Најзрелата шанса во првиот дел ја имаше Башкими, кога по одличен продор на Ајдоган, Симоновски излезе сам пред Талески, но вардаровиот голман спречи водство на домашните.

Во вториот дел темпото опадна. Вардар имаше повеќе посед, но без конкретна шанса, додека Башкими се закануваше преку контри.

Најблиску до погодок беа домаќините во финишот на натпреварот, но по едно нафрлување, Талески успеа несигурно да ја избие топката, а одбиената среќно ја расчисти одбраната.

Со ова реми Вардар е на второто место на табелата додека пак Башкими, останува на петтата позиција со вкупно 14 освоени бодови.

Преземено од: Спорт.ком.мк