Вардар ја продолжи победничката низа во Првата македонска фудбалска лига (ПМФЛ), триумфирајќи над градскиот ривал Работнички со 3-1 (1-1) на Арената „Тодор Проески“.

Иако Работнички поведе рано и успеа да ги изненади „црвено-црните“ по само седум минути игра, кога Трајков му асистираше на Имери за водство од 0-1, избраниците на Гоце Седлоски израмнија во 40. минута, откако еден од играчите на Работнички играше со рака во својот шеснаесетник, судијата досуди пенал за Вардар кој го реализираше Давид Бабунски.

На стартот на второто полувреме, Работнички остана со играч помалку на теренето откако капитенот Демири доби директен црвен картон. Само неколку минути подоцна, Кастанеда го искористи нередот во шеснаесетникот и погоди за водство на Вардар од 2-1.

Победата ја потврди Мато со одличен погодок во 66. минута, кој го постави конечниот резултат – 3-1.

Преземено од: Спорт.ком.мк