Овој викенд во недела ќе се игра дербито од рамките во 25-тото коло во Втората македонска фудбалска лига на стадионот „Билјанини извори“ помеѓу Воска Спорт и Вардар.

Ова секако е важен натпревар за врвот на табелата, Воска е првопласирана со 59 бода, Вардар вторпласиран со 56, додека Гостивар е трет со 55.

Вардарци сезонава имаат голема поддршка од своите „Комити“ каде и да играат, но сега во Охрид тоа нема да биде можно затоа што домаќинот забрани присуство на гостински навивачи.

Воска во натпреварот влегува со серија од четири победи во низа, додека Вардар има пораз од Беса и реми против Гостивар во минатото коло.