„Кога читаш како сите се престројуваат и ептен среќни со Трамп, сфаќаш колку е (гео)политиката ослободена од морал, идеологија, принципи… Сите Бајденовци се сега Трамповци, ама САД останува Империја на хаосот. Само нека паднат конфетите на земја…“- oва го напиша професорката Билјана Ванковска на социјалните мрежи како реакција на денешната победа на Доналд Трамп на изборите во САД за претседател.

– Македонија (ДПМНЕ и Претседателката) желно дочекаа да воспостават поблиски економски врски со трамповата корпоративна империја, надевајќи се на трошки. Јас ќе го променам ставот тогаш кога НАТО ќе се повлече од Украина, а САД ќе престане да го поддржува злосторникот Нетанјаху – напиша професорката и претседателска кандидатка на Левица на годинешните избори.