Новиот менаџер на Лестер, Руд Ван Нистелрој не криеше разочарувањето поради заминувањето од Манчестер јунајтед каде што беше прв тренер на четири натпревари.

Холанѓанецот го презема тимот по заминувањеот на Ерик Тен Хаг и го водеше до пристигнувањето на Рубен Аморим. На четири натпревари колку што беше на клупата Ван Нистелрој оствари три победи и едно реми.

„Искрено бев разочаран, веста дека морам да заминам болеше. Манчестер јунајтед е единствениот клуб каде што би работел како помошник поради односот и врската со луѓето во клубот. Сепак, на крај заминав со мирна душа бидејќи го разбирам и новиот менаџер“, изјави Ван Нистелрој кој вечерва ќе дебитира на клупата за Лестер во натпреварот со Вест Хем.

Вечерашниот натпревар на „Кинг Пауер“ кој се игра од 21:15 часот ќе биде и претставување за Ван Нистелрој пред домашните фанови.