Незапаметено злосторство синоќа го потресе Прилеп – тројца луѓе ги загубија животите во страотен инцидент со пукање, а меѓу жртвите е и едно дете.

Според засега неофицијалните информации кои ги објавија локалните медиуми, вооружен маж, кој наводно е роднина на жртвите, во куќа во центарот на градот, застрелал двајца членови на семејството. Жртвите, според исто така неофицијални наводи, се татко и неговиот малолетен син.

Според информациите, ова се случило околу 15 часот вчера, а напаѓачот потоа дал отпор кон полицајците кои биле повикани на местото. Тие се соочил со вооружениот напаѓач, кој наводно пукал врз нив и фрлил и бомба.

По повеќечасовна драма, пред специјалните полициски единици да го совладаат напаѓачот, тој, според неофицијалните информации, се самоубил.

На местото на инцидентот е извршен увид, а се очекува Министерството за внатрешни работи да соопшти официјални информации и детали за мотивите зад ужасното злосторство.

Ужасно злосторство во Прилеп – напаѓач пукал во членови на семејство, убил и дете