Младо момче се удавило во популарното грчко одморалиште во Неа Флогита, Халкидики. Според извештаите, тинејџерот бил извлечен од водата во несвест и набргу бил прогласен за мртов, пренесуваат грчките медиуми.

Според очевидци, роднина на тинејџерот наводно видел дека тој е со лицето надолу во водата, но прво помислил дека се шегува. По неколку секунди, роднината се доближил до него и сфатил дека момчето не се движи. Откако го свртел, роднината видел дека од неговата уста излегува пена.

Малолетникот веднаш бил изваден од морето и извесно време се правело обид за реанимација. За неколку минути на местото на настанот пристигнала брза помош која го однела младиот човек во Здравствениот дом во Мудања.

За жал, спас немало за несреќниот млад човек.

На плажата во тој момент имало спасител, но неговите обиди да го спаси тинејџерот биле неуспешни. Се уште не се знае дали е турист и од која земја, како и од што починал.