Утре во 14 часот ќе се изврши колективен погреб на настраданите од поплавите во месноста Доња Јабланица, потврдија од Исламската заедница (МИЗ) од Јабланица.

Церемонијата ќе ја предводи реисул-улемата на Исламската заедница во Босна и Херцеговина, Хусеин Кавазовиќ, а погребите ќе се извршат на гробиштата во Доња Јабланица, Џевор и Злат, објави порталот Кликс.

Обилните врнежи ја погодија Северна Херцеговина и Централна Босна на 4 октомври, предизвикувајќи поројни поплави и лизгање на земјиштето. Досега се пронајдени 17 тела во Јабланица и три во Коњиќ, а се трага по уште пет исчезнати лица, јавуваат српските медиуми.