Стопанската комора на трговци на големо и мало за прехрамбени производи, упати официјално барање до Министерството за економија и труд за продолжување на рокот за изработка на веб-страница на правните субјекти коишто подлежат на оваа обврска. Согласно законските измени и Правилникот кој го изготви МЕТ, сите трговци кои имаат над 10 вработени, почнувајќи од 18 април (петок) ќе мора да ги објават цените на сите производи на својата веб-страна.

-Ценејќи ја важноста на дигиталното присуство како неопходен елемент за современо и конкурентно делување на пазарот, напоменуваме дека значителен дел од малите трговци сѐ уште се во процес на адаптација, од технички, финансиски и кадровски аспект. Притоа, сакаме да истакнеме дека станува збор за реална потреба од дополнително време со цел квалитетна и одржлива имплементација поради комплексноста и обемноста на материјата. Сметаме дека продолжувањето на рокот ќе претставува поддршка кон сите засегнати субјекти но највеќе на оние на кои им е најпотребно а тоа се малите стопанственици и ќе придонесе кон инклузивен пристап во спроведувањето на политиките за дигитализација, со што ќе се овозможи посеопфатна и правично распоредена транзиција. Очекуваме разбирање и соработка од надлежните институции, со единствена цел – градење стабилна и конкурентна економија, во која секој економски субјект има фер можности за развој и напредок – соопштија од оваа Комора.

Од МЕТ вчера порачаа од како чекор понапред во делот на транспарентноста кај трговските ланци и заштита на стандардот на граѓаните на почетокот на март беа донесени измени на Законот за заштита на потрошувачите. Со овие измени трговците трговци на мало се задолжени да ги објават цените на сите производи на дневна основа, односно секој работен ден до 10:00 часот. Во случај на ненамерна техничка грешка во ажурирањето на цените на стоките, трговецот треба да ја корегира грешката во рок од 24 часа.

Без алкохол, цигари, летување во странство бидејќи се луксуз – се крчка новата потрошувачка кошничка

Обврската ги опфаќа и маркетите кои продаваат основни прехранбени производи, овошје и зеленчук, и трговци кои продаваат средства за хигена, трговци на мало со бела техника, со играчки, техстилни производи, градежни материјали, алати и електрични апарати, буквално сите трговци кои вршат трговија на мало.

-Нашите очекувања се дека со оваа мерка во наредниот период дополнително ќе има намалување на цените – оцени министерот Бесар Дурмиши.