Уште еден руски генерал на мета на атентат?
Непознато лице изјави дека поставило бомба под автомобилот на претседателот на Комитетот за одбрана на Државната дума, Андреј Картополов, пренесува рускиот портал Инфо24. Оваа информација најпрво беше објавена на каналот Baza Telegram, повикувајќи се на извори блиски до истрагата.
Препорачано
Според порталот, анонимното лице се јавило во полиција и тврдело дека е регрутиран со цел да постави експлозивна направа на автомобилот на руски службеник. Тој наводно изјавил дека бомбата е поставена под од автомобилот.
Веднаш потоа анонимниот јавувач повторно контактирал и предупредил на можност од експлозија. Автомобилот, кој е паркиран на улицата Ружејна во Москва, во моментов го проверуваат специјалисти за експлозивни направи. Припадниците на Росгард и полицијата се присутни на местото на настанот, кои ја обезбедуваат областа и ги проверуваат наводите за поставена бомба.
Новинарот на „Кремљ базен“,кој е на теренот во медиумискиот извештај ја потврдил информацијата за можната поставена бомба под автомобилот на рускиот генерал Андреј Картаполов. Според него, непознато лице кое контактирало со полицијата изјавило дека рускиот државјанин бил регрутиран од Украина, пишува Инфо24.
Анонимниот јавувач, исто така, тврди дека на автомобилот била поставена експлозивна направа и дека ќе експлодира за еден час. Оваа информација веднаш предизвика реакција на безбедносните служби кои брзо го опколија теренот и почнаа со проверки.
фото duma. gov .ru
Најавата за поставена бомба доаќа откако претходно денеска беше објавена веста за смртта на Игор Кирилов, шефот на руските сили за нуклеарна, биолошка и хемиска одбрана. Во моментот на експлозијата со него бил и неговиот помошник Илја Поликарпов. Трагедијата се случила поради експлозија на експлозивна направа која била поставена на електричен скутер во близина на куќата на Картаполов.
Иако информациите за поврзаноста на двата случаи остануваат непотврдени, некои аналитичари не ја исклучуваат можноста инцидентите да се поврзани. Руските безбедносни служби се во состојба на готовност, а истрагата за двата инцидента е во тек.
Засега нема официјални изјави од руските власти за овие инциденти, но присуството на Росгардија и засилените безбедносни сили на улицата Ружејна дополнително ги подгреа шпекулациите за сериозноста на ситуацијата.
