Поранешниот младински репрезентативец на Македонија Константин Чешмеџиев пронајде нов ангажман откако се раздели со бугарската Септември Софија. Нов клуб на Чешмеџиев е Влазнија од Албанија.

Во албанскиот прволигаш Чешмеџиев му се придружува на Дарко Додев кој од Брегалница се пресели во клубот од Скадар.

Пред Влазнија Чешмеџиев го носеше дресот на Шкендија, Академија Пандев, Вележ Мостар, Пелистер, Љубанци, Славија Софија и Шкупи.

Влазнија од него очекува да донесе цврстина во одбраната. Трансферите на двајцата Македонци доаѓаат по заминувањето на Гоце Седлоски од клупата на Влазнија, тој го водеше тимот во последните три месеци од сезоната.