Претседателката на Европската комисија Урсула фон дер Лајен денеска ја поздрави најавата на американскиот претседател Доналд Трамп за пауза во примената на реципрочните царини.

„Јасните и предвидливи услови се клучни за функционирањето на трговијата и синџирите на снабдување“, рече Фон дер Лајен на социјалната мрежа X. Таа додаде дека тарифите се даноци кои само им штетат на бизнисите и на потрошувачите.

„Затоа јас постојано се залагав за договор за царини нула за нула меѓу Европската Унија и САД“, нагласи таа.

Вчера Трамп најави целосна пауза на сите одмазднички тарифи кои претходно стапија на сила на полноќ, со исклучок на Кина, чии царини ќе бидат зголемени од 104 на 125 отсто, пренесува Танјуг.