Во октомври, бразилскиот суд го казни Епл со околу 19 милиони евра, а исто така пресуди дека новите Ајфони во таа земја мора да се продаваат со полнач. Епл најави жалба на оваа одлука.

Продажбата на нов уред без полнач не е типична само за Бразил. Од друга страна, Европската унија одлучи да ги заштити потрошувачите на малку поинаков начин, па пред нешто повеќе од еден месец Советот на ЕУ донесе Директива за воведување единствен полнач за мобилни телефони и други електронски уреди од 2024 година.

„Веќе нема да биде потребно да купувате полнач секогаш кога ќе купите нов мобилен телефон или сличен уред. Полначот кој е компатибилен со повеќе уреди ќе заштеди пари и време и ќе придонесе за намалување на електронскиот отпад“, рече Јозеф Сикела, чешкиот министер за индустрија и трговија, чија земја моментално претседава со Советот на ЕУ, објави Н1, пренесува Пословни хр. Предлогот за Директивата е договорен, но Директивата се уште не е усвоена.

Измената на релевантната Директива 2014/53/ЕУ ја поддржаа сите земји-членки на ЕУ. Од сето наведено во неа, произлегува дека еден (универзален) полнач ќе се користи задолжително на крајот на 2024 година за сите мобилни телефони и таблети и други електронски уреди вклучени во ревизијата, а од 2026 година ќе се користи и еден полнач за лаптопи.