Од утре, 5 јули, односно од еден часот после полноќ, па најдоцна до 6 јули, недела, до 9 часот, ќе започнат градежни работи за вградување на завршен асфалтен слој на улицата Волковска. Како што информираат од Општина Ѓорче Петров, за време на изведбата на работите, улицата ќе биде целосно затворена за сообраќај.

Поради ова, автобусите на линија 22 ќе сообраќаат до „Блага вода“ согласно возниот ред на ЈСП, а оттаму до последната станица на 22-ка, во двата правци, превозот ќе биде организиран со комбиња.

Од Општината ги замолуваат граѓаните за разбирање и трпение и апелират до нив да ја почитуваат поставената сигнализација и насоките од надлежните служби.