Украинските вооружени сили го нападнаа командниот пункт на 8-та комбинирана армија на руската армија на територијата на Донецката област, која е под руска контрола, соопшти денес Генералштабот на украинската армија.

Во соопштението се наведува дека нападот, кој беше извршен во понеделник вечерта, „значително му го отежнува на непријателот планирањето и спроведувањето операции во насоките Покровск и Торецки“.

Украинските вооружени сили ќе продолжат постојано да го уништуваат командниот и комуникацискиот систем на вооружените сили на агресорската земја“, се додава во соопштението објавено на Фејсбук.
Украинскиот Генералштаб забележува дека загубите на руските сили во моментов се утврдуваат.