Во филијалите на Пошта на Украина наскоро ќе се појават колбаси! Така компанијата има намера да ги зголеми своите приходи, изјави извршниот директор на операторот Игор Смељански во интервју за Форбс Украина.

Поради намалувањето на бројот на пензионери во земјава, поштите губат пари; досега, распределбата на пензиите изнесуваше до 25% од приходите на компанијата.

Според Смељански, тој има план како да ја зајакне динамиката и да ги зголеми приходите. Годинава поштите ќе го намалат персоналот за 13 отсто и ќе отворат сопствена банка, аптека, мобилна апликација и ќе купат електрични скутери за да го удвојат својот удел на пазарот на пратки, каде лидер е компанијата „Нова пошта“.

Но, најнеочекуваната иновација е продажбата на колбаси во поштите.

– Укрпошта веќе има потпишано договор со компанијата МХП за продажба на своите колбаси – вели Смељански.

Засега се работи само за тестирање. Директорот одбива да ги именува обемот и регионите каде што ќе се тестира деловната ниша.

„Ја купивме првата серија колбаси што ќе ги понудиме во поштенската мрежа. Овој дел од нашата стратегија е поддршка за украинските производители, а за МХП – начин да се намалат нивните логистички трошоци“, вели Смилјански.