Украинскиот врховен командант Александар Сирски отпушти двајца високи офицери откако украинската армија претрпе територијални загуби во областите под нивна контрола, објавија локалните медиуми утрово.

Според извори блиски до војската, смените се однесувале на офицери задолжени за 17-тиот и 20-тиот армиски корпус.

Седумнаесеттиот армиски корпус, под команда на Володимир Силенко, дејствувал во Запорожје, каде што украинската армија изгубила најмалку едно село на бреговите на реката Днепар.

Од друга страна, 20-тиот армиски корпус, предводен од Максим Китухин, дејствувал на границата помеѓу регионите Донецк и Дњепропетровск, каде што руските сили забележале голем број успеси, заземајќи неколку села, објави Ројтерс.

Руското Министерство за одбрана соопшти дека руските трупи го зазеле селото Олхивско во Запорошката област, додека Владимир Рогов, функционер назначен од Русија, рече дека руските сили ја пробиле украинската одбрана, заземајќи 30 квадратни километри територија.

Иако руските сили продолжија со нападите во Донецката област, украинскиот командант Андриј Кришченко рече дека украинските трупи го запреле рускиот напредок во близина на Покровск.

Украинските сили напредуваа и во Добропилската област, северно од Покровск, додека руските трупи сè уште се обидуваа да одржат упориште во Харковската област, особено околу градот Купјанск.
Ројтерс не можеше независно да ги потврди извештаите од двете страни.