Група руски пожарникари се повредени во напад со дрон извршен од украинските сили во источниот украински регион Донецк, обвинија денеска руските власти.

Осумтемина пожарникари, според Москва, тргнале да гаснат пожар во близина на градот Горловка, кога биле нападнати од борбени дроновисоопшти руската Агенција за цивилна заштита. Иако биле ранети, тие успеале да се засолнат во пожарникарскиот камион, пишува во соопштението.

Украина досега не ги коментираше овие наводи.

Донецк е една од четирите украински копнени територии кои Русија ги анектираше по инвазијата врз Украина која почна во 2022 година.