Украина загуби уште еден борбен авион Ф-16 за време на воените операции. Оваа информација ја потврди командата на украинските воздухопловни сили.

Според информациите, пилотот безбедно се катапултирал од авионот кој бил ангажиран во одбивањето на рускиот воздушен напад.

„На 16 мај 2025 година, околу 03:30 часот наутро, контактот со авионот Ф-16 беше изгубен. Според прелиминарните податоци, пилотот успеал да уништи три цели и започнал акција против четвртата користејќи го топот на авионот кога се случила непредвидена ситуација“, се наведува во соопштението.

Авионот бил пренасочен од населената област пред пилотот да се катапултира. Според извори од украинските воздухопловни сили, „пилотот е на безбедна локација, без опасност по неговиот живот“.

Освен најавата дека е формирана комисија за истрага на целиот случај, не се објавени никакви дополнителни детали за природата на „непредвидената ситуација“.