Украина „тивко“ се подготвува за нова фаза од конфликтот во која Киев повеќе ќе се потпира на сопствените сили, објавува Ројтерс.

Според агенцијата, украинскиот претседател Володимир Зеленски очекува поголема поддршка од сојузниците кога ќе се обрати на Генералното собрание на Обединетите нации и ќе се сретне со американскиот претседател Доналд Трамп оваа недела. Сепак, зад сцената, Киев е сè повеќе фокусиран на стратегија која не се потпира само на надворешна помош.

Во исто време, надежите на украинското раководство за обезбедување воведување нови, построги санкции на САД против Русија бледнеат.

Официјален Киев потврди дека Зеленски ќе зборува на 80-тото заседание на Генералното собрание на ОН на 23 септември. Јавната телевизија објави дека тој ќе одржи и неколку билатерални средби со странски лидери во таа пригода, вклучително и средба со претседателот Трамп.

Се потсетува дека руската мисија во ОН претходно ги обвини европските земји дека се обидуваат да го свртат Трамп против Москва.