Украинскиот претседател Володимир Зеленски на маргините на Генералното собрание на Обединетите нации во Њујорк планира околу дваесет билатерални средби со светски лидери. Главна тема на разговорите е огромната буџетска дупка на Украина за следната година, која надминува 13 милијарди евра.

„Подготвуваме нови долгорочни чекори за финансиската стабилност на Украина“, изјави Зеленски, посочувајќи дека како потенцијален извор на средства се разгледуваат замрзнатите руска актива на Запад, кои би се користеле за одбрана и обнова на земјата.

Украинската економија е сериозно погодена од војната: приходите од даноци и придонеси значително опаднале, а земјата во голема мера зависи од воена и финансиска помош од своите западни сојузници. Дополнителна компликација е што САД, некогаш најважниот партнер на Киев, сега се повлекуваат од дел од финансиската поддршка.

Најголемиот дел од буџетот за 2026 година е наменет за одбраната од руската агресија, но во исто време предвидени се и повисоки социјални расходи, особено во секторите образование и здравство.