Русија денес ѝ предаде на Украина уште 1.245 тела на Украинци – цивили и војници – кои ги загубија животите на фронтот, со што се заокружи договорот постигнат од двете страни на преговорите во Истанбул.

Со тоа, Украина доби 6.057 тела , додека истражните органи, во соработка со експерти од Министерството за внатрешни работи, ќе ги спроведат сите потребни испитувања и ќе ги идентификуваат репатрираните тела.

Украинскиот координативен центар за размени изрази благодарност за помошта што ја обезбеди Меѓународниот комитет на Црвениот крст .

Вреди да се напомене дека, во исто време, Русија доби во замена 78 тела на руски војници кои паднаа на бојното поле.