Претседателите на Украина, Володимир Зеленски, на Грузија, Саломе Зурабишвили и на Молдавија, Маја Санду, потпишаа декларација за европски интеграции, соопштии украинската амбасада во Белград, објави Ројтерс а пренесува Н1.

„Ја потврдуваме нашата непоколеблива посветеност да го продолжиме процесот на интеграции во Европската Унија вклучително и сеопфатните реформи кои се насочени кон јакнење на нашите демократски институции и постепено приближување на нашето законодавство кон елементите на правото на ЕУ“, пишува во документот усвоен на состанокот во грузискиот град Батуми што се одржа во понеделникот.

Овие три држави се сметаат за европски држави кои ги почитуваат европските вредности. Како некогашни републики во Советскиот сојуз, Русија ги смета за своја зона на интерес и не се согласува со нивните ЕУ и НАТО аспирации.

ВИДЕО | Путин: Русија тестира хиперсоничен проектил единствен на светот