УФЦ го изрежирал инцидентот и падот на мерењето на Чимаев?!
Вечерва треба да се одржи ММА спектаклот УФЦ 279 на кој главната борба требаше да биде меѓу Нејт Дијаз и Хамзат Чимаев, но поради падот на мерењето на чеченскиот ММА борец со шведски пасот, најверојатно ќе има други борби и навивачите би требало да гледаат три нови борби.
Препорачано
Хаос пред УФЦ 279: Прекината прес-конфереција поради тепачка на ММА борци
Чимаев требаше да се бори со Дијаз во категоријата велтер (до 77 килограми), но на официјалното мерење беше дури за 3,4 килограми потежок од дозволеното. Поради тоа, во главната борба на вечерта влета Тони Фергусон кој наместо со Ли Јинглианг, ќе се бори против Нејт Дијаз.
Чимаев по мерењето беше разочаран од падот и ја обвини организацијата УФЦ дека ја наместила целата работа.
– Не знам што се случи, нешто не беше во ред со моето тело. Сакав да продолжам да ја намалувам тежината, а потоа дојдоа лекарите кои беа повикани од некого и ми забранија дополнително да слабеам откако ме прегледаа. Ми рекоа да го прекинам процесот и тоа во четири часот наутро иако имав доста време за да дојдам до потребната тежина. Дијаз го прашаа дали сака да се бори, додека јас бев подготвен да му го дадам мојот хонорар, но тој не се согласи – изјави Чимаев.
Познатиот новинар кој ги следи настаните во ММА спортот, Ариел Хелвани, објави дека претседателот на УФЦ работи на промена на борбите и дека Чимаев сепак ќе настапи во Лас Вегас на приредбата, но ќе се бори против Кевин Холанд.
УФЦ планира во главната борба на вечерта да се борат Дијаз и Фергусон и доколку успее во намератам тогаш Чимаев ќе се бори против Кевин Холанд. Холанд требаше да настапи во меѓукатегорија до 82 килограми за која го помина мерењето и противник требаше да му биде Даниел Родригез.
Nathan Diaz x Tony Ferguson. 5 rounds. Main event. Moving very much in the right direction. Not done. But looking good at this time.
We are live! https://t.co/xYPaBM2B3g
— Ariel Helwani (@arielhelwani) September 9, 2022
Ли Јинглианг пак би влегол во октагонот и би се борел против Родригез. Сепак, Хелвани на социјалните мрежи напиша дека се уште не се договорени новите борби и се работи на тоа претседателот на УФЦ Дејна Вајт да добие согласност од сите борци.
Чимаев и Холанд подолго време се прозиваа преку социјалните мрежи, а само ден пред мерењето тие имаа физичка пресметка пред прес-конференцијата.
